luns, 10 de decembro de 2018

DE CARA Á SEGUNDA AVALIACIÓN


TEMA 7: OS AMORES DE ZEUS

No libro ver páxina 116 e realizar exercicios da páxina 117.

Cal era o  segredo de Prometeo?
-Tetis e Peleo.


-Voda de Tetis e Peleo.
Na páxina do libro 36 exercicio 3: Ler e respostar.

Amores de Zeus: Os deuses do Olimpo.

Investigación persoal: Cada alumno/a da clase terá que investigar, estudar e expoñer na aula unha das aventuras amorosas de Zeus.



TEMA 8: SATURNALIA 
-Venite adoremus!

Exercicios do libro das páxinas 51 e 65 6-7-8-9

TEMA 9: A GUERRA DE TROIA

- A TROIA DA ARQUEOLOXÍA (Resumo do documental)
- MICENAS AMBICIONA TROIA

Tras do  2º Avance: Para a 2ª Avaliación:

-LENDO A ILÍADA de HOMERO (I)
-Unha revisión comparando a película Troia con Homero.


PLAN LECTOR TEATRO CLÁSICO (12 de MARZO 2019)

- Lectura dunha traxedia grega de Eurípides: Troianas (realizar lectura e proposta didáctica do libro)

TEMA 1O: O TEATRO
Como se inventou o teatro en Grecia?
Teatro:Traxedia e Comedia no libro páx. 160-161,162-163.
FESTIVAL GRECOLATINO- ROMANIZACIÓN: LUCUS AUGUSTI 2019 No libro tema 12 páx 171-179.

domingo, 4 de novembro de 2018

A aparición do ser humano, deuses e mortais








 TEMA 5:
Comezamos unha segunda parte do desenvolvemento da mitoloxía coa aparición dos mortais. Imos comezar lembrando algo que xa deberíamos saber, falaremos de: Galicia, país dos mortos.  e tras comentar como se identificaba a nosa terra dende a prehistoria e como o mundo clásico se fixo eco desta visión volveremos ao mito co que abríamos o curso, o de Pandora, a primeira muller, pero antes debemos saber como contaban os gregos aos seus fillos e fillas a aparición do ser humano  na terra.


DEUSES E MORTAIS NA GRECIA ANTIGA

Investiga sobre a historia destes dous personaxes cuxas estatuas apareceron nas excavacións modernas realizadas no embigo do mundo, é dicir, no santuario de Delfos. 

TEMA 6:
AS PRIMEIRAS ETAPAS DA HISTORIA DE GRECIA:
- CRETA E MICENAS.
a) Espazos
b) Como vivían os cretenses.
c)  Artur Evans, Cnossos e o lineal A?
d) Creta e a mitoloxía: Europa, Minos,
   - Teseo e o Minotauro páx. 80 do libro.
   - Dédalo e Ícaro.
   - Creta era a Atlántida?
e) O labirinto na literatura e na arte.
f) A caída da civilización minoica. As invasións indoeuropeas e Micenas. 

Exercicios do libro páxina 23 (5, 6, 7,8, 9) e  37 (5,6,7.8 e 9 a)

Repaso á xeografía de Grecia páx.26-27

xoves, 20 de setembro de 2018

COMO IMOS TRABALLAR?

A materia de Cultura Clásica imos a avaliala do seguinte xeito:
1º Un 40 % da nota sairá do Diario de Cultura: Unha serie de actividades e proxectos (individuais na maior parte) que se realizarán e actualizarán unha vez á semana habitualmente, remitindo os resultados ao correo electrónico do blog.
2º Un 60 % da nota en diversas probas escritas, que haberá que aprobar para poder sumar a nota dos traballos do Diario.

En xeral, o Diario de Cultura Clásica desenvolverá contidos que se proporán na aula a cada alumno/a  integrando a información que se atopa no blog como a que se pode consultar no libro, sendo ambos o punto de partida dos traballos a realizar.

Comezamos: TEMA 1- O marco xeográfico da Cultura Clásica (I.)  Realizaremos un mapa do Mediterráneo que incorporaremos ao diario e logo consultaremos a xeografía da Grecia Antiga (páx. 26-27 do libro) como un espazo que condiciona o mito.

 TEMA 2: INTRODUCIÓN Á MITOLOXÍA

- Que vén sendo un mito?

TEMA 3: A COSMOGONÍA de Hesíodo.

- CRONOS-REA e A TITANOMAQUIA.

TEMA 4:AS LINGUAS DO MUNDO: Despois de ler no libro de clase as páxina 10 e 11 Realizar as actividades do libro da páxina 11 (o traballa coa imaxe tamén).

- O Indoeuropeo e a desaparición das linguas.
- O marabilloso invento das letras e a transmisión da escrita. Realiza tamén os exercicios do libro da páxina 17 e 19.

Lembra o traballo persoal de investigación que consistía en coñecer a orixe dos nomes da clase. 

martes, 11 de setembro de 2018

A esperanza: Unha reflexión global sobre o noso futuro e o noso pasado

Empezamos o curso de Cultura Clásica como Pandora, abrindo a caixa con curiosidade. Que atoparemos dentro?

O lema do presente curso xira arredor da esperanza. Disque a esperanza foi un agasallo moi especial dos deuses para o ser humano. Esa idea de esperar, de observar a vida (e o que aínda non foi) con esperanza. Non deixa de ser unha actitude e unha reflexión ante esa pregunta universal: Que será de nós?

CULTURA
Se facemos caso a un dito que se lle atribúe a Castelao "un pobo sen pasado non ten futuro",  a esperanza debe alimentarse e non pode prescindir do pasado. O ser humano dende moi antigo vén analizando o seu pasado para acometer o futuro. Desa análise da historia na procura de respostas e fórmulas válidas para a sociedade nace a cultura(s). Fomos caendo na conta e sendo conscientes da diversidade de respostas do xénero humano ante a Natureza que nos rodea cada sociedade con cadansúa cultura (fórmulas de relacionarse coa Natureza). Mais toda cultura baséase en determinados modelos.

CLÁSICA
Na procura da esencia, dos recursos, do pasado de cada cultura, nesa relación co mundo natural ou coas restantes formas de entender o mundo, cada sociedade desenvolve unha serie de modelos que podemos cualificar como clásicos. A Cultura Clásica para Europa occidental logo será un conxunto de modelos que serviron e serven de base para encher ese concepto abstracto que define a Europa actual.

A CULTURA CLÁSICA
A Cultura Clásica é unha materia que nos invita a saber quen somos e reflexionar sobre que seremos tomando como punto de partida o mundo grecoromano, tradicionalmente entendido como base da cultura occidental. Grecia e Roma son referentes inevitables do noso pasado suficientemente complexos como para provocar/ xustificar/ precisar a súa presenza nunha educación integral na Secundaria.  Saber que herdamos dos gregos e dos romanos, pero tamén como interaccionan con outros mundos, como, por exemplo, o Atlántico. Por que o mundo Atlántico? Porque somos galegos e estamos dende tempos remotos expostos a unha continua dialéctica/ comunicación/ a toda unha serie de contactos entre culturas diversas e as culturas mediterráneas e atlánticas teñen moito que dicir sobre o noso pasado, sobre o pasado do Noroeste Galaico.                       

A ESPERANZA: UNHA REFLEXIÓN GLOBAL, UNHA SEMENTE
Nesta viaxe pola Cultura Clásica debemos entender que estamos a responder qué será de nós. Abordaremos diversas facetas do saber sobre as linguas, a historia,  a mitoloxía...
As linguas son un dos asentamentos básicos da cultura, as que constrúen sobre a terra, facendo que a paisaxe sexa territorio ao nomealo, as que definen cambios tan subtanciais como o paso da Prehistoria (fala) á Historia (escrita). Un dos métodos para viaxar ao pasado, á Antigüidade, é a Arqueoloxía que atopa nos restos materiais que se conservan daqueles tempos remotos.  E a mitoloxía, que é a lingua resolvendo misterios, aquela experiencia de coñecemento que naceu antes da filosofía e da ciencia, é un medio de aprendizaxe que nos leva aos tempos en que o ser humano, condicionado por un espazo natural concreto, comeza a definirse como tal. Vén sendo, logo, outro piar básico, o asentamento espiritual da cultura, de feito a Mitoloxía está moi ligada á Relixión como veremos.

Distintos deuses na creación de Pandora.
Pois ben, na mitoloxía grega é onde aparecen as figuras de Pandora, a primeira muller, a de Epimeteo e, como non, Prometeo, o seu irmán. Tres nomes que están unidos para sempre coa palabra esperanza e cunha reflexión sobre o destino da humanidade, algo que aprenderemos, sen dúbida,  neste curso de Cultura Clásica.
   
SPES, ULTIMA DEA
A deusa da Esperanza: Elpis (en grego)/ Spes (en latín): unha deusa que aínda que non semella ser a mesma en Grecia que en Roma, era representada como unha muller nova que ten na man unha flor ou a cornucopia, símbolos da próxima primavera a pruimeira e, a outra, da abundancia, é dicir, do futuro proveitoso que ha chegar.
Os romanos dicían "spes, ultima dea" a esperanza é a última deusa, de onde sae o dito actual: a esperanza é o último que se perde.
Moeda romana coa representación da dea Spes
CUESTIONARIO
1- Tema ou lema sobre o que xira este curso.
2-Como interpretas ti a frase que se lle atribúe a Castelao?
3- Que é a Cultura Clásica? 
4- Por que cres que a estudamos?
5- É a esperanza unha semente do futuro? Argumenta a resposta.

luns, 2 de xullo de 2018

venres, 29 de xuño de 2018

VIDEOS DO 1º CONCURSO DE TEATRO CLÁSICO SAN NARCISO

Xa podedes ver as gravacións das obras representadas no 1º CONCURSO DE TEATRO CLÁSICO SAN NARCISO que formaba parte do Proxecto do centro "Corazón de futuro, voz de muller".

A MULLER FALA de 1º ESO A:


ATALANTA, unha heroina nun mundo de heroes, de 3º ESO B


ECO e NARCISO de 3º ESO A:

TROIANAS , un botín de guerra de 3ºESO B:


ANTÍGONA de 4º ESO B:

PANDORA, a primeira muller de 3º ESO A:

A REVOLTA DAS SABINAS de 4º ESO B:

Entrega de Premios:


Mellor comedia: A REVOLTA DAS SABINAS
Mellor traxedia: ANTÍGONA
Mellor actor: MANU ALBARIÑAS 4º ESO B
Mellor actriz: ANDREA IGLESIAS 4º ESO B

xoves, 21 de xuño de 2018

Cunha experiencia dramática pechamos o curso 2017-18

Un momento da traxedia: ECO e NARCISO 3º ESO A

Un momento da comedia: ATALANTA de 3º ESO B
O 1º CONCURSO DE TEATRO CLÁSICO SAN NARCISO que levamos a cabo hoxe, o primeiro día do verán, o día do solsticio, foi unha rica experiencia dramática, moi satisfactoria participativa e integradora, especialmente para os cursos de 3º da ESO A e B.

O traballo que comezou coa lectura de obras de teatro clásicas, que pasou pola asistencia á representación en Ourense no mes de abril de dúas pezas, unha grega e outra romana, concluíu hoxe coa representación das nosas propias creacións:

PANDORA, a primeira muller















ECO E NARCISO por parte de 3º da ESO A












ATALANTA, unha heroina nun mundo de heroes









e TROIANAS, botín de guerra por parte de 3º da ESO B



























É certo que  no concurso competimos coas obras doutros cursos e que, no caso de 4º da ESO de Letras,  o listón estaba ben alto, pero os nosos actores e actrices fixeron un traballo óptimo e á altura que se esperaba.  Sabíamos que as obras 4º da ESO B eran realmente favoritas, eles teñen máis experiencia teatral, aínda que tamén había no seu grupo alumnos/as que participaban, coma a maioría de nós, por vez primeira nunha montaxe deste tipo.  De feito cos votos de todos os presentes, mesmo os nosos recoñecemos que a mellor traxedia fora ANTIGONA e que a mellor comedia A REVOLTA DAS SABINAS, mesmo que o mellor actor foi Manuel Albariñas e a mellor actriz Andrea Iglesias, pero os nosos actores RUBÉN CARNERO e ANTÍA COTO e de 3º ESO A, MANUEL OTERO e ANTÍA SESTELO de 3º da ESO B lograron unha posición moi notable, equivalente ao que en termos olímpicos sería estar no podio con medallas de prata e/ou bronce, aos que habería que engardir outros traballos actorais de gran calidade de OLIVER e ALEXIA de 3º A ou de BELÉN, UXÍA e  ZAIRA de 3º ESO B,  non sempre ben recoñecibles a través do tipo de votación simple que se propuxo aos espectadores. En todo caso o importante foi participar e disfroitar desta xornada onde a voz das mulleres desta volta non foi silenciada.

Non quixéramos rematar sen utilizar esta entrada no blog para agradecer agora coas palabras do profesor que nos dirixiu, o voso mestre de Cultura Clásica, o gran esforzo e a ilusión coa que tomastes este proxecto e como foi botando a andar tomando corpo aumentando en intensidade e interese e finalmente se fixo realidade. Foi moi agradable todo este proceso de ir construíndo as traxedias e as comedias, e irvos vendo medrar e medrar en compromiso e resolución. Se algo teño que destacar de todos e todas vós foi a entrega e a confianza no grupo que fostes, o máis interesante sempre o proceso o camiño duro dos ensaios que logo rematan nunha representación, que si tivo defectos (sempre os hai, sempre se pode mellorar) pero que alcanzaron todas un notable acababo. Graciñas a todos e a todas.

luns, 18 de xuño de 2018

Obras de 3º da ESO A e 3º ESO B para o concurso:

Estas son as catro obras que se presentarán ao 
1º Concurso de Teatro Clásico San Narciso: Corazón de futuro, voz de muller (2018)

                                                                                                                3º ESO A


ECO E NARCISO (Traxedia)

Unha historia de amor frustrado sobre o mito grego e a versión da Aula de Teatro San Narciso Narciso na procura do eu.

NINFAS: Antía Almeda Omil, Laura Entenza Alfonso, Alicia Ferradás
HERA: Alexia Pereira Pazos
ADIVIÑO: Oliver Loira Fernández
PAI DE NARCISO: Víctor Correa Cousiño
NAI de NARCISO: Nerea De la Torre Fariña
MOZAS : Esther Aragón Vidal, Antía Carballo, Saray García Budiño
NARCISOS: Luis Caíño, Raúl Carracelas, Francisco Estevez Acuña, Iván Fernández Cortegoso, Juan M. Montes Tobío.
NARCISO: Rubén Carnero Parada
ECO:  Antía Coto Filgueira

Música:  Guadi Galego (Espido)
DIRECCIÓN: Héctor Silveiro


PANDORA, a primeira muller (Comedia)

Unha comedia sobre a creación da humanidade na mitoloxía grega.  Os homes feitos por Prometeo e  Pandora, a primeira muller.

HESTIA:  Antía Almeda Omil
ARTEMIS:  Laura Entenza Alfonso
PANDORA:  Alicia Ferradás Orovero ( baixa por lesión) actuará no seu lugar Antía Coto.
HERA: Alexia Pereira Pazos
HERMES: Rubén Carnero Parada
PROMETEO: Juan M. Montes Tobío
EPIMETEO: Oliver Loira Fernández
XEA: Nerea De la Torre Fariña
ATENEA : Esther Aragón Vidal
AFRODITA: Antía Carballo
DEMÉTER: Saray García Budiño
HEFESTO: Raúl Carracelas
ZEUS: Francisco J. Estévez Acuña

DIRECCIÓN: Héctor Silveiro

                                                                                                                           3º ESO B

TROIANAS, botín de guerra. (Traxedia)
Sobre o texto da traxedia de Eurípides e ideas da última montaxe no teatro profesional con textos de Carme Portaceli.

POLIXENA: Belén Dominguez Moreira
HÉCUBA: Zaira Souto Vieytes
ANDRÓMACA: Carmen Núñez Millán
CASANDRA: Sandra Villaverde Dopazo
TROIANAS: Cristina Quintana,  Uxía Rosales Breasco, Antía Sestelo López
TALTIBIO: Hugo Pérez 
HERALDO: Pablo Portas Rivas
SOLDADOS GREGOS: X. Antón Alonso García, Diego Carragal, Manuel Otero Pazos, Diego Pazos, Sergio Pérez Loveira

DIRECCIÓN E ADAPTACIÓN DO TEXTO: Héctor Silveiro



ATALANTA, unha heroína nun mundo de heroes (Comedia)
Unha recreación en clave de comedia do mito de Atalanta, unha das poucas mulleres destacadas como heroinas do mundo clásico.

CAZADOR E CORREDOR: X. Antón Alonso García
MELEAGRO: Diego Carragal
HIPÓMENES: Manuel Otero Pazos
CENTAURO E SERVO:  Diego Pazos
CAZADOR: Hugo Pérez
PAI DE ATALANTA: Sergio Pérez Loveira
XABARÍL DE CALIDÓN e CORREDOR: Pablo Portas Rivas
NAI DE ATALANTA: Cristina Quintana
AFRODITA: Uxía Rosales Breasco
CUPIDO: Diego Santiago
ARTEMISA: Belén Dominguez Moreira
ATALANTA. Antía Sestelo López

DIRECCIÓN E ADAPTACIÓN DO TEXTO: Héctor Silveiro

luns, 11 de xuño de 2018

1º CONCURSO DE TEATRO CLÁSICO SAN NARCISO


1º CONCURSO DE TEATRO CLÁSICO SAN NARCISO


21 de xuño 2018

Lema: “CORAZÓN DE FUTURO,VOZ DE MULLER”

Sesión teatral 1ª parte de 11h-12h.  (asisten: 5,6 de Primaria e Secundaria)

-          1º ESO A:  A MULLER FALA
-          2º ESO B:  INÉS DE CASTRO

Sesión teatral 2ª parte  12,30 h.- 13,30 h. (asiste só Secundaria)

-          3º ESO B:  TROIANAS 
-          4º ESO B:  ANTÍGONA 

PREMIOS:
Mellor comedia:
Mellor traxedia:
Mellor actriz:
Mellor actor:

VOTACIÓN:
O público asistente (alumnos/as do San Narciso) 
 votará as obras representadas para escoller os premios anteditos.
As representacións están abertas aos pais e nais do centro ata cubrir o aforo do salón de actos.

ENTREGA DE PREMIOS: 13,30 Salón de actos.

luns, 28 de maio de 2018

PROBAS MODELO: SOBRE O DIARIO DE CULTURA CLÁSICA DE 2018



PROBAS MODELO


1ª Avaliación:

1-      Realiza un debuxo do mapa de Mediterráneo estudado  no que aparezan: península Ibérica, de Italia e Grecia, Turquía e a costa onde está Siria e Israel. Non esquezas o norte de África e algunha das illas máis importantes.
2-      Escribe o alfabeto grego en maiúsculas e minúsculas.
3-      Como definirías a Cultura Clásica? Os nomes da clase que orixe etimolóxica teñen? A que se debe?
4-      Que é un mito? Que tipo de relatos consideramos hoxe mitos? O mito é relixión ou  historia? Razoa a resposta.
5-      Quen son os aedos? Que sabes de Homero? Que relación ten o mito coa literatura?
6-       Explica cal foi o proceso que seguiu a Humanidade para lograr inventar o alfabeto.
7-      Define o indoeuropeo. Cales son as cinco familias lingüísticas máis grandes do mundo?
8-      Sócrates e a escritura: “...Cando chegaron ao das letras, dixo Theuth:-Este coñecemento,oh rei, fará máis sabios aos exipcios e de máis memoria, pois se inventou como un fármaco da memoria e da sabedoría.
 Pero el respondeu: -Oh artificioso Theuth! A uns  élles dado crear arte, a outros xulgar que dano ou proveito aporta aos que pretenden facer uso dela.  E agora ti, precisamente, pai que es das letras, por apego a elas,  atribúelles poderes contrarios aos que teñen. Porque é obvio o que producirán nas almas de quen as aprendan, ao descoidar a memoria, xa que, fiándose do escrito, chegarán ao recordo desde fóra, a través de signos alleos, non desde dentro, desde eles mesmos e por si mesmos. Non é, pois, un fármaco da memoria o que atopaches, senon un simple recordatorio.  Aparencia de sabedoría é o que ensinas  aos teus alumnos, que non verdade. Porque tras escoitar moitas cousas sen aprendelas, parecerá que teñen moitos coñecementos, sendo, ao contrario, na maioría dos casos...”
- Que postura defendía o famoso filósofo grego acerca do invento das letras?  Cal é a túa opinión sobre a opinión de Sócrates? Argumenta debidamente a túa resposta.
9- A partir das ilustracións explica o sincretismo ou fusión que presenta a mitoloxía grega. 


----------------------------------------------------------------------------------------------------------

1-XEOGRAFÍA: Coloca no mapa os números:     1.Cnossos, 2-Troia, 3-Micenas, 4-Esparta, 5.PELOPONESO,  6- MAR EXEO, 7-CÍCLADAS 8-Illa de Tera, 9- Atenas e marca con frechas: 10- Invasións aqueas, 11-Invasións dorias  e 12-Fuxida dos Aqueos.
2-HISTORIA:  Que sabes do nacemento, características, evolución e destrución da civilización minoica?
3-Que sabes do nacemento, características, evolución e destrución da civilización micénica?
4-LINGUAS: Que son o lineal A e o lineal B?
5-MITOS:  Narra brevemente: Teseo e o Minotauro. Dédalo e Ícaro.
6- Narra brevemente: O segredo de Prometeo e a voda de Tetis e Peleo.
7-   Como naceron Aquiles, Paris e Helena?.
8-LENDO AOS CLÁSICOS:  Explica o mito dos andróxinos que conta Platón.
9-DE ONTE A HOXE:  Quen era Asterión? Que visión ofrece Borges deste personaxe?  El fala do “Palacio de las hachas” A que mito fai referencia? Quen inventou este mito? Razoa as respostas.



PROBA MODELO 2ª AVALIACIÓN
1-      A xeografía da Ilíada de Homero:  a-EXEO,  b-ÍTACA, c-Cnossos, d-Troia,  e-Micenas f- Esparta, g-Pilos, h-HITITAS
2-       Que é a Épica? Que sabes de Homero
3-      Que descubrimentos fixo H. Schliemann?
Que sabemos polas excavacions, Blegen e as máis recentes dos anos 90?
Que nos transmiten os textos en lineal b e dos hititas?
4-      ILÍADA.Cales  son as razóns históricas e mitolóxicas da guerra de Troia? Como aparecen  na película TROIA?
5-       TEXTOS: A  Ilíada comeza  no _____ ano do _________ de Troia.   Quen son  Criseida e Briseida? Explica cal é o tema central?
 Despois de ler o texto, identifica quen interven, a que momento corresponde:    Posto que Febo Apolo me quita a Criseida, encamiñándome eu mesmo a túa tenda, levareime a Briseida, a de fermosas meixelas, a túa recompensa, para que saibas canto máis poderoso son.....Tal dixo. Perturbouse o Pélida, e dentro do veludo peito o seu corazón discorreu dúas cousas: ou, botando a man á aguda espada que levaba, abrirse paso e matar ao Atrida, ou calmar a súa cólera e reprimir o seu furor. Mentres tales pensamentos revolvía na súa mente e no seu corazón e sacaba a gran espada, veu Atenea do ceo: enviouna Hera, a deusa dos níveos brazos, que amaba cordialmente a entrambos e por eles se preocupaba. Púxose detrás del Pélida e tiroulle da blonda cabeleira, aparecéndose a el tan só; dos demais, ninguén a vía.

6-      Lembra cinco personaxes gregos e cinco troianos. Que deuses apoian a Troia e cales a Grecia. Como remata a Ilíada de Homero?
7-  VERDADEIRO OU FALSO : Homero ou  a mitoloxía non o contan así:
Menelao morre tras do combate con Paris:
Paris foxe de Menelao  envolto nunha néboa grazas a Afrodita:
Patroclo combatía con Héitor coa armadura encargada por Tetis a Hefesto:
Apolo ataca as concavas naves do campamento grego e envíalles unha peste,
Agamenón morre na toma de Troia:
Hécuba era a esposa de Príamo:
Casandra anunciou os perigos que traerían para Troia Paris e o cabalo dos gregos.
Andrómaca, muller de Heitor, vai escapar de Troia con Helena.
Eneas vai ser case que o único heroe troiano que escapa da matanza de Troia.
Aquiles estaba dentro do cabalo de Troia.
8-      Sobre a morte de Aquiles,  a versión do cine sitúao dentro de Troia, que hai de certo? Como morre Paris?
9-      O cabalo de Troia que sabemos del pola mitoloxía e pola arqueoloxía?
10-   Cal vai ser o motivo do retraso do regreso de Odiseo? Comenta as ilustracións.


3ª Avaliación:

1-      A orixe do teatro na Grecia Arcaica.
2-      Partes do teatro grego.
3-      Plan lector: As Troianas de Eurípides (ver cuestionario do libro de lectura).
4-      Plan Lector: Anfitrión de Plauto (ver cuestionario do libro de lectura).


DIARIO DE 2018-19
1ª Avaliación:

 Da Unidade 0 (Do comezo do curso ata 19 de outubro)
1 Exercicios do libro  páxinas 13-15-23
2- O mapa do mundo clásico 2
3-O mito da caverna 1
4- A orixe dos nomes da clase 2
5-As linguas 4
6-As letras e a súa transmisión 11
7-Creta 4
8-Minotauro 7 
9-A mitoloxía 10
10-Cosmogonía 8
11-Cronos e Rea.  8
12-Titanomaquia 12
(De outubro a decembro)
13-Amores de Zeus (8)
14-Deuses e mortais  (8)
15-Tetis e Peleo (9)
16-Xuízo de Paris  ( 5)
17-A Troia da arqueoloxía (3)
18-Espazos homéricos  (3)
19-Lendo a Ilíada de Homero (18)


2ª Avaliación:
(De xaneiro a marzo)
 20- A ODISEA PERSOAL    12
21-A FUXIDA DE TROIA    10
22-A FUNDACIÓN DE ROMA 7
23-O DÍA DA PAZ e Si vis pacem  6
24-DA GRECIA ESCURA Á GRECIA CLÁSICA 10
25-A Orixe do teatro 8 cuestións.
26-Cultos  gregos: Páxina do Libro 120, 5
27- O teatro Grego: Páxina 161-8, 163 6

3ª Avaliación:
( De marzo ao mes de maio)
28-AS TROIANAS: Guía de lectura cuestionario do libro de lectura.
29- Preguntas sobre a lectura de ANFITRIÓN de Plauto do libro de lectura.
30- Abecedario da visita a Ourense no blog.

domingo, 8 de abril de 2018

FESTIVAL GRECOLATINO OURENSE MMXVIII



















 A visita a Ourense do día 9 de abril abarca distintas facetas que esperamos poder integrar plenamente no proceso didáctico do presente curso. Ademais da asistencia e o traballo previo co Teatro Grecolatino coa traxedia  As Troianas de Eurípides e a comedia Anfitrión de Plauto, realizaremos unha visita á cidade de Ourense na procura da súa orixe, o que nos leva a reparar na arquoeloxía e nas aras aparecidas na zona das Burgas.


Fixemos unha parada na catedral e no seu Póritico do Paraíso:











Concertamos tamén unha visita guiada á unha Exposición:
In tempore Sueborum (podedes consultar o catálogo) para coñecer a Gallaecia despois dos Romanos, a que constitúe o primeiro reino medieval de toda Europa.








Realizaremos un cuestionario básico sobre esta experiencia didáctica no seu conxunto.

ARA
BURGA
CALPURNIA
DIONISOS
EURÍPIDES
FÍBULA
GALLAECIA
HÉRCULES
INVESTIGATIO
LATÍN
MIÑO
NYMPHIS
OURENSE
PLAUTO

REQUIARIO
SUEBORUM
TROIANAS
VISU

Unha versión de Troianas moi recente: