AS VOLTAS DE TROIA

 Lectura: AS TROIANAS

Investigatio: A NOSA ODISEA

 ver o documental: https://www.youtube.com/watch?v=k3bSLQMHRdc 

https://www.facebook.com/reel/1641151153832315

DE TROIA A ROMA


A ORIXE DO TEATRO

UNIDADE 3: DE TROIA Á ÉPICA

μῆνιν ἄειδε θεὰ Πηληϊάδεω Ἀχιλῆος...

A cólera canta, deusa, do Pélida Aquiles,... ***

 A TROIA DA ARQUEOLOXÍA. 

LENDO A ILÍADA DE HOMERO

OS ESPAZOS HOMÉRICOS

Apolo I
ver troia

ou

selección de textos homéricos

cineforum: A Ilíada de Homero e a película de Troia.

A LECTURA que HABITA EN MIN

 Como proposta final do curso tres lecturas clásicas vidas da Grecia Antiga e da Roma imperial que esperan instalarse no teu interior para seguir amoblando o teu fogar aberto á cultura:

Recomendamos a lectura da poeta máis antiga que se coñece: SAFO na edición comentada pola especialista Aurora Luque: 

Unha novela áxil sobre  a Romanización da Gallaecia: As murallas de Berxida de Fernando Cerezales

A medio camiño entre o ensaio devoto da cultura grega e a súa poesía creativa de Sophía de Mello en portugués, un libro de culto consultado no presente curso e que vale por dous: 

Para quen aínda entre estas propostas non atopase unha lectura axeitada no seguinte enlace quedan outras propostas xa ofrecidas no curso 23/24

OS REGRESOS DE TROIA: ODISEO OU PENÉLOPE?

 

Cando escoitamos a palabra "Odisea", pensamos, por exemplo, en "vivir unha odisea", é dicir, unha aventura inesperada. Imos coñecer por que temos na cabeza estas ideas como naceu esta concepción da odisea coma unha sitación extraordinaria e complexa. 

A NOSA ODISEA.  A quen escollerás para percorrer esta viaxe pola historia que Homero escribiu? Por veces serás Odiseo, outras debes escoller a Penélope, isto último vaiche resultar máis complicado xa verás, pero ese é o reto, a aventura comeza xa. Repara finalmente nos distinos finais que lle deparan os textos da antiga Grecia á esposa de Ulises.

A NOSA ODISEA     

Versión longa a partir do texto de Homero:  

Versión teatral onde Ulises e Penélope dialogan co público: 

Película do 1997: 

ACHEGÁMONOS A TROIA

 

Que hai de verdade en todo o relato da Ilíada de Homero? Existiu Troia? Onde estaba? Houbo unha guerra en Troia? Todo isto podémolo hoxe saber grazas á arqueoloxía. Fagamos unha viaxe ao oriente da Grecia antiga para responder a estas preguntas. 

DOCUMENTAL SOBRE A TROIA DA ARQUEOLOXíA.

THEATRUM MUNDI

 

Imos entrar para rematar o curso e recomendar lecturas clásicas  no mundo dos tópicos literarios que Grecia e Roma expostaron a todas as litearturas do mundo. 

THEATRUM MUNDI: A vida concibida como un teatro cuxos/as protagonistas son os propios seres humanos que teñen un papel predestinado.  Parece ser que Epicteto o filósofo escravo grego foi a orixe deste tópico. 

Lembrando como comezaba o curso: 

Cultura Clásica

Aula latina

Un camiño este dos tópicos realmente interesante que con frecuencia se expresa en latín, aínda que ten no grego unha fonda relación co grego clásico. Por exemplo o famoso Carpe diem ten o seu correspondente grego. 

AGORA TOCA A COMEDIA

 

 

CUESTIÓNS:  Procura un argumento da  Lisístrata de Aristófanes ou da Asemblea de mulleres e lembra que naquel momento a Atenas clásica estaba en guerra  con Esparta e había mulleres tremendamente interesantes que puideron servir a Aristófanes como inspiración para crear a súa obra. Lembras algunha?

VISUALIZAMOS UNHA TRAXEDIA

AS TROIANAS  de Eurípides versión cinematográfica antiga.  

Versión de teatro profesional moderna:

Versión teatral semiprofesional

EDIPO REI

ANTÍGONA de Sófocles, versión cinematográfica antiga.

Antígona versión teatral moderna:

A ORIXE DO TEATRO

A máscara un elemento esencial do teatro greco-latino a estudar para comprender a súa orixe

A máscara dentro de calquera ritual ancestral era unha ferramenta que utilizaba un chamán para identificarse coa deidade á que interpelaba. O coro grego (un grupo de homes con máscaras que danzaban na honra do deus Dioniso) executaba un ritual relixioso e festivo usando como elemento de conexión e fusión co deus as máscaras entre outros elementos representativos dese deus. Parece ser que as mulleres foron de vello relegadas deste ritual porque un dos atributos destacados era a virilidade.

Sigamos os pasos pertinentes para ver como nacen a traxedia e a comedia froito destes festivais relixiosos que foron cobrando máis e máis importancia a medida que se ía introducindo este deus oriental entre os gregos e o seu culto a partir do século VII-VI a.C. Pasemos a traballar sobre:

O TEATRO, INVENTO DOS GREGOS.

DESPOIS DE VER A PELÍCULA DE TROIA

 

MICENAS AMBICIONA TROIA

 CINEFORUM: TROIA,  W. Petersen (2004) 

O MARABILLOSO INVENTO DAS LETRAS

 Que é a Pedra de Rosetta? Por que é tan importante?

Un 14 de setembro de 1822  Jean François Champollion cae desmaiado despois de dar coa clave que levaba anos buscando. Estivo cinco días inconsciente antes de poder explicalo a todo o mundo: 

 

Como eran as letras antes dos xeroglíficos?

Trátase dun debuxo descuberto sobre unha rocha, ao pé do Lago Superior en Michigan, que describe unha expedición militar a través do lago. Na parte superior poden verse cinco canoas transportando cincuenta homes, representados por raias verticais. A expedición lévase a cabo ao mando dun xefe chamado Kishkemunasee ( Martiño pescador), cuxo tótem ou símbolo animal, en forma de paxaro acuático, aparece debuxado sobre a primeira canoa. A expedición durou tres días (tres soles baixo tres arcos que indican a cúpula celeste). Tras un feliz desembarco simbolizado pola pintura dunha tartaruga, a expedición proseguiu rapidamente como pode verse pola figura dun xinete. A aguia, símbolo do valor encarna o espírito dos guerreiros. A descrición dá fin co debuxos dunha panteira e unha serpe, símbolos da forza e da astucia, cuxo auxilio invoca o xefe durante a acción militar. ( H. Schoolcraft Tribes of the United States, Filadelfia 1851)

 Que diferenza hai entre pictogramas e ideogramas? 

Que son os silabarios? Que relación gardan cos alfabetos?

CUESTIONARIO PARA INVESTIGAR

Eran os chamados indoeuropeos un pobo ágrafo? Argumenta a resposta.

Que é un pictograma? En que se diferenza do ideograma?

Que é a escritura cuneiforme? Onde naceu?

Que dificultade atopamos cos ideogramas chineses?

Que  significa a palabra "xeroglifos"? Por que era secreta a escrita dos escribas? ( ten relación co uso da escrita por parte dos poderosos que se facía na antigüidade, por exemplo en Exipto a previsión das inundacións do Nilo por parte dos faraóns) Que peculiaridade ten un xeroglifo distinta dos ideogramas?

Que é un silabario? Como se conservaron as inscricións en silabarios micénicos?

Cal é o primeiro alfabeto creado polo ser humano? Que peculiaridades ten con respecto ao grego?

Aprende o alfabeto grego. Escribe o teu nome coas letras gregas. Non deixes de consultar esta curiosa entrada sobre os ALFABETOS

PARA CONSULTAR E RESPONDER:

SÓCRATES E OS SOPORTES DA ESCRITURA

Que pensaba Sócrates da escritura? Podes consultar máis abaixo.

Que unha taboíña de cera? E un stilum?

Que signinifica en orixe a palabra libro (liber)?

PARA SABER MÁIS  SOBRE J-François Champollion

EDIPO REI, TRAXEDIA GREGA (II)

O MITO DE EDIPO: Un par de versións:

EDIPO é un personaxe de traxedia imos coñecer hoxe a súa historia. É o primeiro personaxe dun ciclo tráxico denominado Tebano porque se desenvolve nesta cidade, TEBAS. 

  CUESTIONARIO SOBRE EDIPO:

I- Quen era EDIPO? Resumo co relato biográfico deste personaxe  mitolóxico e tráxico.

II- TRADUCE E RESPOSTA AO ENIGMA DA ESFINXE:

Quod animal est qui mane quattuor pedibus ambulat,

 meridie duabus et vespere tribus?

 

III- W. Kaufmann considera que o Edipo Rei de Sófocles representa:

            a) A inseguridade do ser humano e a súa fácil aniquilación.

            b) A cegueira ante a propia identidade e ante a dos seres máis queridos.

            c) A maldición da honradez.

            d) A inevitabilidade da traxedia.

            e) O cuestionamento da xustiza divina e humana.

            Explica dunha forma razoada se coincides ou discrepas coa opinión de Kaufmann.

TRAS VER A TRAXEDIA: Cuestionario

  TROIANAS  unha obra de________________________

I) Enumera  e describe brevemente os personaxes que aparecen nesta obra. Logo indica que personaxes conforman o coro nesta traxedia?

II)-Que conflito arrastra consigo o personaxe de Taltibio?

III)-Describe os catro/cinco personaxes femininos que adquiren carácter de protagonistas e o que cada unha en particular pretende ou transmite.

IV)- A partir da aparición do cadáver dun neno comeza o desenlace. Relata como conclúe esta obra?

V- Que mensaxe nos quixo transmitir ______________con esta traxedia que é válida para todos os tempos

    ANTÍGONA, é unha obra de _____________________

I)           Enumera  e describe brevemente os personaxes que aparecen nesta obra. Logo indica que personaxes conforman o coro nesta traxedia?  

II) Por que discrepan Creón e Antígona. Razóao con máis dun argumento.

III )          Define as diferenzas entre Antígona e a súa irmá.

IV)         Por que  Creón menosprecia as palabras do seu fillo?

   Resume o final da traxedia a partir desta derradeira discusión de Creón.

V) Que mensaxe nos quixo transmitir ______________con esta traxedia que é válida para todos os tempos

VEMOS UNHA TRAXEDIA GREGA? RESOLVEMOS UN DILEMA? ( SEMANA 16ª)

SOBRE A EDUCACIÓN:

Comezamos esta semana falando da educación da Época Arcaica e como evolúe cara a Época Clásica grazas a unha ferramente social como foi o alfabeto que emerxe no século IX a.C. Pero que non será ata o VI a.C. cando logre dar un xiro ao poder da escola na Antiga Grecia e sobre todo en Atenas, pero non só nesta polis democrática, a escola estaba presente tamén en illas tan pequenas como Astipalea, sabémolo polo frustrado campión olímpico Cleomedes.

 

CUESTIONARIO BREVE:

1- Como sabemos grazas a Pausanias que as escolas eran unha realidade á altura do 492 a. C.? 

2- Que tipo de educación rexía na época arcaica en Grecia? Perdurou este modelo en algures?

3- Que papel tiñan os homes e as mulleres neste mundo? 

Traballaremos a seguir sobre as traxedias gregas, outro fenómeno cunha poderosa carga didáctica na Atenas do século V: 

VEREMOS UNHA TRAXEDIA GREGA  (A ESCOLLER)

1º Traxedia proposta:  Troianas do autor grego Eurípides

Ofrecemos tres propostas para ver esta traxedia:

1- Versión adaptada en cine clásico ou teatro televisado anos 60 

2- Versión actualizada por unha compañía de actores e actrices profesional

3- Versión  dunha compañía de actores e actrices semiprofesional (Noite Bohemia).

-------------------------------------------------------------------------------------

2ª Traxedia proposta : Antígona de Sófocles

Ofrecemos para ver esta outra dúas opcións adaotadas aos tempos modernos:

1ª Versión de Anouilh versión RTVE anos 70  

2ª Versión de Anouilh  representada por compañía de  profesional 

DILEMAS HEROICOS E MÍTICAS PREFERENCIAS

Finalmente abordaremos os dilemas heroicos e míticas preferencias participando nun sorteo de 25 propostas no que un/ unha personaxe  versus outro/a  para ser obxecto de análise e controversia que cada quen terá que resolver en particular argumentación.

  

Redactar unha argumentación a partir da mitoloxía e procurando argumentos na trama que envolve a cada un dos personaxes. Trátase de resolver un dilema despois de enfrontar personalidades e propiedades. Finalmente indicar e argumentar con varios motivos e contundencia con cal te quedas e/ou a quen escolles?

Pasos a seguir:

I-Investigar sobre os personaxes. Paso fundamental para comezar o traballo.

II- Presentación inicial dos citados/as. Unha breve e esencial biografía de cada personaxe.

III- Enfrontar características e peculiaridades con detalle de cada personaxe.

IV- Argumentación final con non menos de tres motivos que asenten a elección feita. 

Listaxe:(a cada quen lle toca un número dos seguintes por sorteo)

1-      Ulises versus Aquiles : Eu non Irene Vallejo, a quen escolles?

2-      Casandra versus Penélope

3-      Agamenón versus Aquiles

4-      Clitemnestra versus Agamenón

5-      Ifixenia vs Creúsa aut Hécuba

6-      Ifixenia ou Dido

7-      Electra ou Ifixenia

8-      Orestes ou Electra

9-      Héctor versus Paris

10-   Helena versus Penélope

11-   Helena versus Briseida

12-   Eneas ou Aquiles?

13-   Odiseo ou Eneas?

14-   Penélope versus Circe

15-   Circe ou Calipso?

16-   Penélope ou Dido?

17-   Dido ou Helena?

18-   Narciso ou Adonis?

19-   Edipo ou Iocasta?

20-   Antígona ou Ismene?

21-   Creón ou Antígona?

22-   Hemón ou Antígona?

23-   Cal escollerías?: Afrodita ama a Anquises ou Adonis?

24-   Afrodita ama a Hefesto ou a Ares?

 25- Cal preferirías: Sísifo ou Tántalo ou Ixión ?

O TEATRO, INVENTO DOS GREGOS

  O Teatro podemos consideralo un invento dos gregos, pero non deixa por iso de haber moitas outras manifestacións dramáticas  noutras culturas que comparten características co xénero literario teatral dos gregos.

Estudaremos, en primeiro lugar, antes de introducirnos na lectura de textos tráxicos, a orixe e evolución dun fenómeno relixioso que se vai distanciar pouco a pouco do culto a un deus vido de fóra. Foi o deus Dionisos o centro inicial deste culto que logo foi preocupándose máis das inquedanzas dos seres humanos que rematan por ser o eixo de todas as tramas e converter un antigo festival relixioso nun gran xénero literario, nunha ferramenta de índole política e didáctica para un pobo que acudía en masa ás representacións. Non só se producáin en Atenas, tamén as houbo noutros lugares onde se construíron teatros capaces de albergar espectáculos para milleiros de persoas.

ORIXE E EVOLUCIÓN DO TEATRO

OS REGRESOS DE TROIA E UNHA FUXIDA

 A principal fonte que nos relata a caída de Troia o final da guerra e os regresos da mesma é  A Odisea de Homero. Trátase dun texto ben diferente ao da Ilíada, tanto que a crítica pensa que poderíamos asegurar que responde en ran medida a un autor distinto.  En todo caso o nome de Homero foi o que se transmitiu.

ACTIVIDADES  DA 11ª SEMANA:  

Imos realizar unha viaxe por este libro que pasa por ser algo semellante á primeira gran novela da literatura occidental. Para elo seguimos o guión de 12 cuestións que propoñemos no seguinte enlace:   A NOSA PROPIA ODISEA 

Pero a Mitoloxía grega noustros textos tamén nos relata outros REGRESOS que iremos incorporando na próxima semana para poder avanzar á vez, nas prósximas semanas, cara a unha das grandes creacións culturais da Grecia Clásica como é o Teatro, outro xénero literario que vai esixir de nós investigar sobre a súa xénese e asentamento.

A FUXIDA DE ENEAS

Mais para rematar este Ciclo Troiano non podemos facelo sen abrir outra vía de traballo que nos vai levar nada máis e nada menos que ata o Lacio, é dicir , ata Italia e logo ata Roma. Farémolo da man doutro gran libro. A ENEIDA de Virxilio que está escrita en latín no século I a. C. que comeza co relato da fuxida de Troia. 

AS MULLERES DA FUNDACIÓN DE ROMA

TROIA ESPÉRANOS

 A actividade deste NADAL pasa simplemente por visualizar unha película titulada TROIA  coa idea de realizar na aula un cineforum sobre a mesma á volta das vacacións. Esta actividade será o punto de partida dun traballo que estamos deseñando sobre a monumental obra de Homero e a cidade que provocou os seus 24.000 versos. Troia espéranos.

A VERDADE SOBRE A TROIA DA ARQUEOLOXÍA

TROIA: 

A Troia da Arqueoloxía (HISTORIA E MITO). O obxectivo é investigar que hai de realidade, que sabemos sobre a Troia histórica e distinguila do mito. Debemos pois coñecer por un lado tanto os personaxes como, a grandes trazos, o argumento da Ilíada de Homero e, polo outro, contrastar estes datos da literatura e mitoloxía co que a arqueoloxía e a filoloxía chegaron a descubrir sobre o acontecido ao redor da Guerra de Troia, un conflito entre gregos e troianos. Como guía usamos este documental:

- A orixe da guerra de Troia (I)

- O tesouro de Príamo e Schliemann (II)

- De Troia a Micenas (III):

- A Guerra de Troia (IV):

O Combate entre heroes (V):

A destrución de Troia (VI):

As verdades sobre a guerra de Troia (VII):

 A seguir podes abordar nos seguintes enlaces as actividades a realizar unha vez visto o documental da BBC cuxo obxectivo é ter unha visión de cal é a realidade arqueolóxica da Guerra de Troia. 

MICENAS Á CONQUISTA DE TROIA

LENDO A HOMERO. Trátase agora de volver ao texto da Ilíada para coñecer mellor o relato literario.

Por que comeza no noveno ano de asedio?

Quen son Briseida e Criseida, por que son tan importantes na trama?

SELECCIÓN DE TEXTOS DA ILÍADA DE HOMERO

DA ÉPICA DE HOMERO AO CINEMA

NO MUNDO DE HOMERO

SOBRE A ILÍ ADA DE HOMERO

- MICENAS AMBICIONA TROIA

- CINEFORUM:  TROIA de W. Petersen

ACTIVIDADES DENDE CASA MARZO-ABRIL

 ACTIVIDADES DO MES DE MARZO 

 CULTURA CLÁSICA

PRAZOS
Semana de 16 ao 24 de marzo para 3º ESO A
Semana se 16  a 27 de marzo para  3º ESO B

CONTIDOS
- Lectura e actividades da guía didáctica da obra de TEATRO: Anfitrión de Plauto.

- Lectura de textos do xénero da ÉPICA: A Ilíada  de Homero, seleccionar pasaxes máis interesantes para comparar coa versión da película de Troia  de W. Petersen (2004) e  procurar as diferenzas. 

PRAZOS: 
Semana de 27 a 31 de marzo para 3º ESO A
Semana 27 de marzo ao 2 de abril para 3º ESO B

CONTIDOS:

1ª  Establecer as 7 diferenzas fundamentais entre o texto da ÉPICA de Homero e outras fontes da mitoloxía e a versión moderna do cinema.

2ª-VOLVEMOS AO TEATRO: Ver e comprender os distintos vídeos sobre a orixe do teatro.  Por que dicimos que en orixe o teatro grego era un rito?
Cales son as partes dun teatro grego?,
Quen era Dionisos? Quen era Pisístrato?
Quen era Tespis?

Cales son os grandes autores de traxedias gregas?

Que diferenzas hai entre estes autores tanto na forma como sobre todo no contido das súas obras?

No libro de texto de clase consulta o tema 11, páxinas 160-161 e fai os exercicios da páx. 161.

3ª Ver e resumir unha traxedia grega:  As Troianas de Eurípides. No seguinte enlace podes escoller entre as tres versións da obra que logramos reunir.



PRAZOS PARA ACTIVIDADES  DO MES DE ABRIL
Semana do 3 ao 17 de abril  para 3º ESO A
Semana do 2  ao 17 de abril para  3º ESO B


CONTIDOS
ODISEA PERSOAL:  Entra no enlace. Terás que resolver 12 cuestións nunha viaxe persoal e intransferible que cada quen experimentará actuando con astucia e audacia, a semellanza do heroe deste relato.  Coñecerás a Odiseo, o rei de Ítaca, que emprende regreso de  Troia,  a Penélope e tamén a Calipso, a Circe e outros moitos personaxes. Algúns humanos, afables ou non,  outros terribles e monstruosos que irán aparecendo á par dos deuses e deusas que tamén están presentes nesta obra épica de Homero sobre a que vas traballar e que se titula A Odisea.
.


MITOS DE PRIMAVERA I:
 ORFEO E EURÍDICE. Para realizar ata o día 17 de abril.

NO FESTIVAL DE TEATRO GRECOLATINO de TUI

 Tras da lectura da obra mañá viaxamos a Tui a ver a comedia de Plauto Anfitrión. Unha comedia que parte dun dos amores de Zeus que máis deu que falar.  A temática amorosa e a sátira sobre o divino e o humano coa idea paradóxica de que ambas realidades están tan distantes como próximas serven de fío condutor desta comedia plautina.








ACTIVIDADES SOBRE A OBRA DE PLAUTO ( Guía didáctica que podedes atopar tamén no texto ou libro de lectura ):

1- Lectura atentada introdución e da comedia.

2- Procurar no enlace no capítulo 118 do libro de Robert Graves o relato do nacemento de Hércules e establecer semellanzas e diferenzas coa comedia.

3- Analiza o paso da Comedia Antiga á Comedia Nova.

4-Enumera a partir da introdución as diferenzas entre traxedia e comedia.

5- Partes nas que se divide a comedia.

6- Amplía a información sobre as características dos personaxes na comedia plautina.

7- Investiga a evolución semántica do nome do escravo Sosias.

8- Establecer un debate sobre a sospeita de adulterio e a relación de ambos personaxes. Como se comportaría  hoxe en día  unha parella  ante una  situación similar.

9- Elixide unha escena para representar en clase.

10- Elaborade unha presentación en power point sobre a historia de Hércules/Heracles.

A Comedia latina do século II a.C. é unha copia da Comedia denominada Nova que facían autores gregos como Menandro (século III) a. C.  e que á súa vez foi unha evolución da Comedia Antiga de autores atenienses como Aristófanes ( século V a. C.)  Esta evolución produciuse como afundimento da democracia ateniense e do debate político e filosófico que alimentaba aquela sociedade na que cabía un espazos de crítica política aberta. Aristófanes fixo comedias como Lisístrata, de claro signo antibelicista  para criticar aos gobernantes cando Atenas estaba en plena guerra coa cidade de Esparta por exemplo. Pero coa entrada nunha nova etapa a Comedia tivo que cambiar de temática e pasou á comedia onde os conflitos amorosos son o tema central das tramas cómicas.

Herdado este modelo por Roma, cando os romanos se apoderaron de Grecia, trouxeron e espallaron por Italia un tipo de obras copiadas das gregas. Os personaxes polo nome parecen gregos, pero no fondo son moi romanos, porque retratan e usan a lingua, ditos e costumes propios da sociedade romana aínda que a acción teatral se situe en Grecia. Só así un romano podería consentir que un escravo como Sosias fose tan atrevido co seu amo.


O PRÓLOGO

  DÚAS SOSIAS

ALCMENA E  XÚPITER

MERCURIO DISPOSTO A  FACER O  PAPEL DE SOSIAS

AS DÚBIDAS DOS VERDADEIROS SOSIAS e ANFITRIÓN

O PRIMEIRO ENCONTRO  DE ANFITRIÓN E DE SOSIAS CON ALCMENA?

ATA SOSIAS CONFUNDE A XÚPITER CON ANFITRIÓN

MERCURIO DETÉN AO VERDADEIRO ANFITRIÓN

XÚPITER FRONTE A ANFITRIÓN

BLEFARÓN INTENTA SOLUCIONAR O ENREDO,... PERO EL MESMO SE ENREDA

 XÚPITER ACTÚA PORQUE O PARTO SE ACHEGA  E... BROMIA NARRA O ACONTECIDO AO SEU AMO

ANFITRIÓN AGRADECE A XÚPITER A SÚA VISITA CARGADA DE SORPRESAS

Hai un gran traballo actoral do GRUPO NOITE BOHEMIA da Coruña, o que representa Anfritrión de Plauto en Tui, pero ademais de transmitirlle os nosos parabéns pola dedicación e o esforzo, non podemos deixar de realizar unha crítica necesaria á versión que presentan.  NOITE BOHEMIA  opta por unha versión actualizada da obra plautina. Veremos que un dos protagonistas: Sosias convértese nunha escrava, a escrava SOSIAS, entroutras reinterpretacións que achegan ao público de hoxe con chistes de hoxe a un texto ben antigo.

A pregunta é se dado que se actualiza un texto clásico naqueles momentos que se procuraba en Plauto provocar o riso con alusións cómicas ou equívocos e xogos de palabras con dobres sentidos, ironías, etc... non se podería entón facer que unha boa parte destes textos e elementos riseiros tivesen unha carga menos machista e menos manida? Se nos propoñemos actualizar logo corremos o risco de caer en lastimosas e obsoletas fórmulas á hora de facer rir nada actuais.   É este o teatro que desexamos vexan as novas xeracións de rapaces e rapazas?

 Non é  malo que milleiros de alumnos vexan obras gregas e latinas como as que se representan  neste Festival de Teatro Grecolatino, pero  hai que lograr dar un paso máis ou ben mantendo unha fidelidade severa cos textos orixinais con todos os seus defectos e virtudes, ou ben tender  nas actualizacións dos textos a crear un modelo de teatro realmente moderno e actual, que beba do clásico no que este teatro ten de bo e queira de verdade reinterpretar e situar no século XXI o que se representa.  A temática dos enredos amorosos como a que presenta esta comedia reclama pois unha versión máis audaz e realmente creativa que se saiba liberar dos grandes lastres que o pasado conleva.

Despois de ver e disfrutar da representación da obra toca analizar a lectura de Anfitrión de Plauto seguindo as directrices que o libro de lectura establece na súa guía didáctica: