A Cultura Clásica é un exercicio de empatía co noso pasado para saber de nós. Como deixou dito Platón: A forma máis alta de coñecemento é a empatía porque nos pide deixar o ego e entrar no mundo do outro. Efectivamente a nosa viaxe ao mundo antigo require colocarse no lugar daqueles que viviron e sufriron daquela, en Grecia, en Roma ou na nosa Gallaecia.
A Cultura Clásica debe reparar no pasado cunha óptica transformadora de hoxe. É un camiño de aprendizaxe de onte a hoxe. A empatía da humanidade amósase ao longo da historia como un mecanismo de civilización e cultura fronte á barbarie e o odio. Trátase de entender con querencia o sentir daquelas sociedades que herdamos tanto e, á vez, comprender o seu padecemento sen perderse nel (como dicía Epícteto)
