mércores, 20 de xaneiro de 2016

Para a seguinte proba

Debemos abordar en primeiro lugar os traballos realizados para a segunda entrega do caderno dixital:

A aparición dos mortais na mitoloxía grega:

- As idades do home de Hesíodo e Ovidio: definición e comparación do mito coas etapas da Prehistoria e a historia real dos seres humanos: Paleolítico, Neolítico, Idade de Bronce e Ferro...

- Prometeo, Pandora e os mortais: reflexión creativa sobre os deuses e os seres humanos (homes e mulleres) na mitoloxía grega e as semellanzas e diferenzas con outros relatos mitolóxicos.

- Deucalión e Pirra: Que semellanzas e diferenzas existe con outras mitoloxías. Con que etapa das idades do home de Hesíodo coincidiría? Houbo un diluvio universal?

- Un mito da creación máis filosófico: Platón e o mito dos androxinos. Será verdade iso que se di do amor e o da media laranxa?

-  O mundo dos mortos. Descrición do mundo Subterráneo. O sorteo dos mundos: Hades, como chega a ser o deus dos mortos? Ubi sunt?


En segundo lugar, debemos estudar ben o traballado sobre AS PRIMEIRAS ETAPAS DA GRECIA ANTIGA: De Creta a Micenas:

-As primeiras etapas da historia grega: De Creta a Micenas: Os pobos mediterráneos do Exeo, a civilización cicládica das illas Cícladas e a civilización minoica de Creta. Estudar ben as distintas etapas ata chegaren os aqueos (primeira tribo indoeuropea) e finalmente os dorios (a derradeira tribo en entrar na Grecia continental).

- Os espazos da civilización minoica ou cretense: o concepto de talasocracia ( "o poder grazas ao dominio do mar")

-As invasións indoeuropeas: os Aqueos en Micenas: Coñecer a Hélen e as ondas de invasións e as súas consecuencias no asentamento das distintas tribos indoeuropeas na xeografía da Hélade.

- O lineal A dos cretenses non era grego: Sistema de escritura minoica e influencias sobre micénicos. Que idioma era o lineal b?

- Creta e Minos na Mitoloxía: O rapto de Europa, Minos rei de Creta, o Minotauro, Teseo, heroe de Atenas e Ariadna. 

- Dédalo e Ícaro no Labirinto: Dédalo de Atenas a Creta. O labirinto e a súa fuxida. A morte de Minos.


- De onte a hoxe: Da casa de Asterión e de Picasso no labirinto, coñecer a trama do relato de J.L. Borges e identificar algunhas das recreacións do Minotauro de Picasso. O palacio do "labris".

En terceiro lugar, camiñamos cara á Guerra de Troia:

-O segredo de Prometeo: Peleo e Quirón.

-Peleo e Tetis: A voda e os problemas cos fillos desta parella.

-A voda de Tetis e Peleo: Personaxes para unha guerra: Aquiles, Paris e Helena.

Ningún comentario:

Publicar un comentario