PROBA DE SETEMBRO

Para aprobar esta materia en setembro tes dúas opcións a escoller ( a primeira será a máis recomendable).  

1ª OPCIÓN:  Entrega dos traballos de Cultura Clásica do Diario que había que realizar durante o curso  que especificamos máis abaixo.

2ª OPCIÓN: Realizar proba escrita cos seguintes contidos.  Podes consultar tamén no enlace modelos de probas.

 QUE OPCIÓN ESCOLLES?  Faimo saber por correo electrónico dende hoxe e antes do 1 de setembro.

PRAZOS DE ENTREGA:  Da primeira opción ata o día da proba: 1 de setembro ás 17.30 


DIARIO DE CULTURA CLÁSICA 2019-2020

1ª AVALIACIÓN:

UNIDADE  0 (Do comezo do curso ata 16 de outubro)

0-      Prometeo e a liberdade: coñecemento e liberdade (Cómic de Prometeo)

1-       A orixe dos nomes da clase

UNIDADE I : O ESPAZO e O MITO

2-      O mapa do mundo clásico (tema do libro 1 e 2 páx. 26.27)

3-      Invento da escrita.. As Letras e a súa transmisión (libro páx. 16-17-18) Sócrates e a escrita. 

4-      Familia lingüística indoeuropea (libro de cultura páx. 10,11,12, 13, 14 e 15.

5-      Introdución á mitoloxía.
   -    Que vén sendo un mito?

6-      Cosmogonía I e II:
   - Cronos e Rea- 
   - Titanomaquia.

7-      Deuses e mortais.

8-      Galicia país dos mortos.
   -  Epigrafía e estelas.

UNIDADE II: A HISTORIA

9-      As Etapas da Historia da Grecia Antiga(I)

10-   Lingua helenismos (exercicios do libro páxina 37)

11-   DE CRETA A MICENAS: Minotauro.

12-    VISITA A EXPOSICIÓN GALAICOS.

2ª AVALIACIÓN

UNIDADE III: A ÉPICA (I)

13-   O segredo de Prometeo I e II

14-   A voda de Tetis e Peleo.

15-   A TROIA da arqueoloxía.

16-   A TROIA de Homero: Lendo a Homero ( selección de textos da Ilíada de Homero)

17-    O OLIMPO: AMORES DE ZEUS.

Libro tema 8 páx. 112.113.114.115.116.117.118.119.120,121,122.123.124.125.

UNIDADE IV:  O TEATRO (I)

18-   Orixe do teatro en relación co desenvolvemento da democracia en Atenas.

19-   LECTURA OBRA DE PLAUTO (libro de lectura) Guión de lectura. ( FESTIVAL DE TEATRO DE TUI)

UNIDADE V: VOLVENDO A ÉPICA (II)

10-   Semellanzas e diferenzas entre Homero e a película de Troia de 2004.

21-   ODISEA PERSOAL.

3ª AVALIACIÓN:

UNIDADE VI: O TEATRO (II)

22-   Cales son os grandes autores de traxediasgregas? Ver Troaianas de Eurípides.

23-   MULLERES DO TEATRO GREGO

      UNIDADE VII:

24-   Mitos de Primavera: Orfeo e Eurídice, Perséfone e Hades,  Adonis e Afrodita.

25-   MITO RETO DÍA DO LIBRO

26-   LETRAS GALEGAS E MITOS.

UNIDADE VIII: HISTORIA: GRECIA versus ROMA

27-   O MOTOR DA HISTORIA ANTIGA: DA SOCIEDADE DA GENS AOS SERVI.

28-   AS Mulleres na fundación de Roma.

29-    Como vivían os gregos/as/ como vivían os romanos/as

30-   A orixe dos Xogos Olímpicos: libro 127-128-129-130,131,132 e 133.

31-   Actividades de Léxico do libro: Exercicios de léxico 5- 6-7-8 e 9  das páxinas do libro: 51, 65, 81,  97, 111, 125, 141, 153 e 169.

Rematando o curso cun par de recomedacións para ler

 Existe unha serie inglesa realizada pola BBC, algo vella, pero moi ben realizada foi emitida pola TVE en español baixo o título: Yo Claudio. Estaba baseada nunha moi ben elaborada novela de Robert Graves que leva tamén ese título. Non é a única gran novela histórica, nin a única serie televisiva que nos sitúa na Roma Imperial.

Imos ver o último capítulo desta serie no que se aprecia claramente as intrigas que se daban arredor dos emperadores romanos:

Existe unha boa novela escrita tempo despois tamén en Inglaterra, e logo traducida ao castelán escrito por Marilyn Todd, unha escritora inglesa que titulou Yo Claudia,  a súa incursión na Roma do Imperio.   Esta novela deixámola aquí como recomendación para este verán:

Para os que queiran ler outro tipo de obras máis relacionadas coa nosa terra recomendamos o proxecto de Paco Boluda titulado KALLAIKOS, unha viaxe á Galiza céltica.

HOXE COÑECEREMOS A UN DEUS DA MITOLOXÍA GALAICA: BEROBREO

 Moitos son os misterios, nada máis misterioso que o home....Unha das visitas que tiñamos pensado realizar neste curso e que ao final non puido ser, era a visita ao Monte do Facho de Donon no Concello de Cangas un lugar que foi un santuario misterioso que aínda agocha un gran cantidade de segredos que dende o ano 2000 se intentan desentrañar. O santuario dun deus que segundo a epigrafía que se atopou no lugar sería BEROBREO.

Propoñemos, logo, coñecer mellor a Berobreo, un deus que só podemos atopalo na Galipedia, pero non na Wikipedia... logo invitámosvos a unha pequena viaxe virtual ao centro sagrado máis popular do Sur de Galicia entre os séculos de hai 2000 anos. Por que pensades vós que se lle tería en tanta estima a este deus ? Un estudoso apunta esta posibilidade:   BEROBREO....